Bikote nagusien 34. dantza suelto txapelketako bikote onena izan da, beste hamarren kontra lehiatu ostean. Arin-arina eta fandangoa dantzatu ostean, txapela, zapia eta garaikurra jaso dituzte sari modura. Seminarixoan egon diren herritarrek txalo zaparrada beroarekin hartu du bikotea, oholtzan, txapeldun zirela jakin ostean.
Dantza suelto txapelketako bigarren saria Laura Bastida eta Ekain Uzkudun azpeitiarrek lortu zuten; eta hirugarrena, Itziar Bastida eta Anaitz Lizartza azpeitiarrek.
Irailaren 1ean, Donostian jokatutako txapelketan bigarren postua lortu zuen bikote bergararrak; eta, hurrengo egunean ere, bigarren izan ziren Zarautzen. Bi postu on horien ostean, etxeko txapelketan heldu zaie sari potoloa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.