"Euskara batuaren historia dantzatua" moduan aurkeztu dute lana. Ikuskizunak munduko hizkuntza ororen historia unibertsala du abiapuntu, baina euskara batuaren istorio partikularra kontatu nahi du dantzaren bitartez. Xabi Paya kulturgileak idatzi du gidoia eta Aukeran taldeak koreografiak sortu ditu."Herria da gorputza, hizkuntza bihotza", Urepelako artzainaren esana da. Eta, hizkuntza gorputza balitz? Nola azalduko lituzke gorputz adierazpenak hizkuntzaren bat-bateko jaiotza eta elearen etengabeko bilakaera? Abiapuntu horretatik sortu dute ikuskizuna. Euskaltzaindiaren babesa du emanaldiak.
Sarrerak, doan
Udal Pilotalekuan izango da dantza saioa, 22:00etan, doan.