Domekan egingo dute aire libreko Simon Arrieta pintura lehiaketa

Arantzazu Ezkibel Galdos 2019ko ira. 13a, 11:52

Aire libreko 46. Simon Arrieta pintura lehiaketa egingo dute domekan. Edonork parte har dezake lehiaketan; horretarako, udaletxean aurkeztu beharko da domekan, 09:00etatik 11:00etara bitartean.

Han markatuko dituzte koadroak. Ordu horretan sokamuturra egongo denez San Martin plazan, udaletxeko atzeko atea ere zabalduko dute –San Pedro kalekoa–. Teknika eta gaia libreak izango dira, eta baita lanaren neurriak ere.

Lanak egun berean aurkeztu beharko dira, udaletxean, 13:00etatik 14:00etara bitartean. Horretarako gai den epaimahai batek erabakiko du zein den lanik onena: egunean bertan, 14:30ean emango dute erabakiaren berri.

Irabazleak 1.000 euro irabaziko ditu, bigarrenak 410 euro eta bergarar onenak 210 euro. Artelanekin erakusketa zabalduko dute irailaren 20tik urriaren 3ra bitartean, udaletxeko osoko bilkuren aretoan. Bi koadro onenak Udalaren eta Bearten esku geratuko dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak