Aukera horien artean ez du erabaki gobernuak baina edozein aukerak hobekuntzak ekarriko dituela uste du: "Borobilduko dugu horren erabilia den herriko gunea. Bazuen horretarako premia, eta lan hauek baliatuko ditugu inguru hau eraldatu eta hobetzeko".
Gogora ekarriko behar da solairu bakarrean eraikiko dela errotazioko aparkalekua. Aparkaleku berri honek 2.285 metro koadro izango ditu, lauki zuzen itxura izango du eta bertan 86 aparkaleku-plaza aurreikusten dira; horietatik hiru mugikortasun mugak dituztenentzat eta beste hiru ibilgailu elektrikoentzat.
Ibilgailuen sarrera eta irteera Ibargarai kaletik egingo da, zehazki Justo Garate plazaren azpian dagoen aparkalekuko sarrerari paralelo. Bi sarrera-irteerak errazteko biribilgune erdi bat egitea proposatzen da. Oinezkoendako bi sarrera aurreikusten dira, bakoitza mutur batean kokatuta: bata Ibargarai kaletik eta bestea Herri Lagunak kalera ematen duen plazatxotik.
Horrez gain, Construcciones Artzamendi SA enpresari Seminarioko patioko azpiegituren moldaketa lanak egiteko 289.653 euroko (BEZ barne) kontratazioa egin zaio.
