Ametsez betetako gutunak entregatu dituzte Bergarako umeek

Errege Magoen postari Bizarzuri arduratu da gutunak jasotzeaz. Umeen eskariak entzun, ondo portatu diren galdetu, eta trukean, goxokiak eman dizkie. Patineteak, panpinak, bizikletak, jostailuak... eta beste eskatu dizkiete Meltxorri, Gasparri eta Baltasarri.

Ume batzuk gogotsu. Beste batzuk, beldurti. Batzuk, taldeka, eta beste batzuk gurasoekin, eskutik helduta. Askotariko sentimenduak erakutsi dizkiote Bizarzuriri, Bergarako udaletxean egin dien harreran. Guztiek jaso dituzte goxokiak gustura. Beldurtuta hurbildu direnak ere, goxokiak eskutan, argazkia egin dute postariarekin. Gurasoren bat edo beste ere hurbildu da gutuna entregatzera, seme-alabaren partez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.