Abenduaren 30ean Seminarixoan egin zen elkartasun ekitaldia "oso arrakastatsua" izan zen. "Aretoa goraino bete genuen eta herriko talde eta pertsonekin –ia 30– arratsalde ederra pasatu genuen. Musika, poesia, antzerkia eta aldarrikapena eskutik helduta egon ziren".
Urtarrilaren 2an, 3an eta 4an Ume motxiladun-en erakusketa jarriko dute Irizarren, 18:30etik 20:30era.
Esandako moduan, urtarrilaren 2an 19:00etan irekiko da erakusketa: Markel Azkargortak, Maren Belastegik eta Sara Majarenasek euren esperientziak eta testigantzak kontatuko dituzte. Lehen biak bergararrak eta motxiladun haur ohiak; Sara preso ohia eta espetxean Izar alaba hiru urtetan izan zuena.
Urtarrilaren 3an, 19:00etan, Lander Juaristik umeendako ipuinak kontatuko ditu. Kartzelan egindako lanak oinarri hartuta umeendako kontakizunak izango dira.
Gabonetako egitarauari amaiera emateko urtarrilaren 12ko Bilboko manifestaziorako deia egingo dute; joateko zerrendak jarri dituzte Pol-Polen, Arrano eta Kortazar tabernetan eta Osintxun eta Angiozarren.
Bergaran jada ez dago euskal presorik eta iheslaririk: "Baina urtetan asko izan ditugu eta asko izan dira azaltzen ari garen egoera gordin hau bizi izan dutenak, gaur batzuk helduak dira, beste batzuk ez hainbeste; 16 lagun, hauek jadanik ez die motxiladun haurrak".
