Honako hau izango da eskola herritarraren bigarren aldiko egitaraua:
-
Azaroak 7, eguaztena, 18:30ean Irizar Jauregian: Hondarribiko Alardea eta emakumeak espazio publikoan. Oihana Etxebarrieta Hondarribiko Jaizkibel Konpainiako kidea eta EH Bilduko parlamentaria
-
Azaroak 10, zapatua, 10:00etan Aranzadi Ikastolan:
-
Emakumea, arraza, klasea Luciana Alfaro Munduko Emakumeen martxako koordinatzailea eta Martxanteretako kidearekin. Esperientzia pertsonaletatik, hausnarketa kolektiboa egingo dute. Goizeko gai nagusia izango da.
-
Azaroak 25 eta M-8: Greba Feminista. Eguna eta grebaren arrazoiak landu eta berau indartzeko bideak aztertuko dituzte.
-
-
Azaroak 16, egubakoitza, 21:00ean Miren Amuriza eta Ane Labaka bertsolariekin bertso afaria Artatse elkartean. Sarrerak salgai daude Arrano tabernan.
Herri Batzarraren erabakien berri
Eskola herritarra aurkezteaz gain, Bergarako Sortuk azken herri batzarrean ondorioztatukoen berri eman du: "Irakurketa kezkagarria da, bereziki Udalari dagokion atalean kezkatzeko arrazoiak ditugu: gobernatzeko modu erabat autoritarioa du, herritarrei, herri mugimenduei eta oposizioari parte hartzeko ate guztiak itxiz; ez du proiektu propiorik garatu, egin duen bakarra aurreko urteotako proiektuen gestio kaxkarra izan da –Seminarixoa, Laboratoriuma–; hiru urteko paralisiaren ondoren, zementoaren politikari ekin dio, korrika, presaka eta gaizki obrak esleituz –Zubietakoa kasu– edota udala larriki zorpetuz –seminarioko parkinga–. Zementoa, inaugurazioa eta zorpetzea ez da kudeaketa on baten eredua, besteak beste, Espainia krisi larrian sartu zuen eredua da EAJk Bergarara ekarri duena"