Bergararen Interneteko presentzia biderkatzea helburu duen tailerra hilaren 26an

Bergara Wikipedian.

Eguaztenean, hilak 26, Euskal Wikilarien elkarteko kide batek wikipediari buruzko tailerra emango du Irizar jauregian, 18:00etan. Interneten Bergarari buruzko informazio gehiago zabaltzeko lantaldea osatzea da Udalaren asmoa.

Izan ere, wikipediaren funtzionamendua oso sinplea da: boluntario batek oinarrizko artikulu bat idazten du eta gero, bera edo beste batzuk apurka-apurka artikulu hori hobetzen joaten dira: testua osatzen eta eguneratzen, argazkiak gehitzen, beste artikulu batzuen erreferentziak gehitzen… Bada, irailaren 26ko saioaren helburua da bertaratzen diren herritarrei funtzionamenduaren berri ematea eta lantalde bat osatzea Bergarak sarean duen presentzia handitzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.