Ipuin kontaketak, dantzek eta musikak girotu dute solstizio gaua

Sorginak suaren bueltan dantzan. Argazkia: Xaxau.

Bergararrek ez zuten hutsik egin San Juan bezperan. Eta hainbat ekintza egin zituzten, suaren beroan. Oro har, ipuin kontaketak, dantzek eta musikak girotu zuten gaua.

San Martin plazan egin zituzten Solstizio gauaren bueltako ospakizunak, Xaxauk antolatuta. Eta ez zen hitzordu hutsala izan. Hain zuzen ere, Kartzela Zaharreko Haur eta Gurasoen Asanbladaren ardurapeko ipuin kontaketarekin eman zioten hasiera gauari. Ostean iritsi zen sorginen unea –sorgin dantza egin zuten, herriko txistularien laguntzaz–.

Eta horretan geratu barik, herritarren parte hartzerako ekintzarik ere izan zen: xulalai eta polka dantzatu zituzten –bultzatzaileek neska-mutiko ugari jarri zituzten dantzan–. Hori eginda, ba, herriko musika eskolako zenbait ikaslek izan zuten gauari bukaera ematearen ardura. Besteak beste, Aurrera Altsasu eta Erre zenituzten sorginak kantuak izan ziren entzungai.

Argazkia: Xaxau

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.