Aurretik, besteak beste, Espainiako Futbol Federazioan, Atletico Madrilen eta Real Madrilen aritu da, harrobiko taldeetan, eta baita Elxen ere, Morientesekin batera, Ingalaterrara joan aurretik.
Asier Garitanok entrenatzaile laguntzaile espezialistak izango ditu alboan, bakoitzak alor bati helduko diolarik. Lau multzotan banatu ditu Realak Asier Garitanoren entrenatzaile-taldea: teknikoa, analisiena, emozionala eta fisikoa. Beñat Labaienek analisien alorraren ardura izango du.
INEF ikasketak egitera Bergaratik Madrilera abiatu zen 17 urterekin. Lehenago, Bergara Kirol Elkartean alebin taldeko entrenatzaile izan zen, kadeteetan jokalari ari zela. Madrilera abiatu zenetik etxetik kanpo ibili da, han eta hemen, entrenatzaile lanetan.
