Bergarako bulegotik 800 pertsona pasatu dira astean errenta aitorpena egitera

Astelehenean, apirilaren 23an zabaldu ditu Gipuzkoako ogasunak, 2017ari dagokion errenta aitorpena egin ahal izateko bulegoak. Bergaran, sei egunotan, 800 pertsonak egin dute likidazioa eta ekainaren 30era bitartean, egunean, 180 pertsona jasoko dituzte bulegoan.

Kopuru horiek aurreko urtetakoekin konparatuta, ez dago aldaketarik. Bergarako bulegoan, etxean autolikidazio proposamena jaso baina zerbaitekin ados ez daudenek –aldaketa bat egin delako egoera zibilean eta abar–, eta proposamena jaso ez, eta errenta mekanizatua aurkeztu dezaketenek egiten dute aitorpena. 

Gipuzkoako Foru Aldundiak, beste urte batzuetan bezala, 200.000 proposamenetik gora bidali ditu aurten ere postaz. Aurreko urteetako datuek diote, % 80k baino gehiagok onartzen duela proposamen hori. Gainontzekoek, ogasunaren bulegoetan, edo aholkularitza bitartez, edo internet bidez egin beharko dute.

Aitorpena, euskaraz

Geroz eta gehiago dira aitorpena euskaraz egiten duten herritarrak. Bergaran, esaterako, harremana euskaraz egiten da gehienetan, eta autolikidazio proposamen eta ogasunarekin harremana euskaraz izatea aukeratzen duten herritarren kopurua gora doa, urtetik urtera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.