Erakusketan bi elementu mota ikus daitezke: alde batetik, material biologikoak (globulo gorriak, bakterioak eta birusak, adibidez) eta beste alde batetik, biologikoak ez direnak (atomoak eta molekulak).Nanoeskalekin bi elementu mota horiek aztertzen dituzte. "Adibidez, euli baten barruraino edo mugikor baten barruraino sar gaitezke eskala txiki horiekin. Gizakiaren begiak ezin du hori ikusi, teleskopio edo mikroskopio indartsu bat erabailtzen ez badu", esan du Otegik.
Hain zuzen, nanozientzian erabiltzen diren gailu batzuk ere ikusgai daude Laboratoriumen.
Bisita gidatuak
Laboratorium museoak NanoGUNErekin antolatu duen erakusketan bisita gidatuak egingo dituzte: eguaztenetan eta eguenetan 10:00etatik 14:00etara; egubakoitzetan eta zapatuetan 10:00etatik 14:00etara eta 16:00etatik 19:00etara; eta igandeetan 10:00etatik 13:00etara.
Hitzaldiak
Bestalde, 10ALaMenos9 jaialdi nazionalaren harira bi hitzaldi egingo dituzte apirilaren 12an, 19:00etan. Alde batetik, Mikroelektronikatik nanoelektronikara. Gailu txikien iraultza delakoa, Edurne Sagastaren eskutik. Beste aldetik batetik, Antzinako proteinak berpizten, Nerea Barruetabeñarekin. B