Hurrengo asteetan Bergarako ezkerreko ahalik eta eragile gehien batuko dituen bilgune edo dinamika bat sortzen saiatuko direla adierazi dute.
Eragileen aurkezpena
Xaxauk jai eredu herrikoiaren, euskaldunaren eta bertako produktuen aldeko aurkezpena egin zuen; Martxanterek Martxoaren 8ari begirako aurkezpena eta berdintasunerako bidea feminismotik eraiki behar dela aldarrikatu zuten; ELA eta LAB sindikatuek langileek bizi duten prekarietatea eta Bergaran bereziki industriak bizi duen egoera larriaren berri eman zuten; eta, amaitzeko, EH Bilduk zein Irabazik azpimarratu zuten udal barruan elkarlanerako ohitura badutela baina salatu zuten Udal Gobernuak edozein proposameni ateak itxita dituela eta gobernua berreskuratzea ezinbestekoa izango dela herri ekimenek aurrera egin dezaten.
Hurrengo saioek, feminismoa hizpide seguruenik
Antolatzaileek aurreratu dutenez, Eskola Herritarraren hurrengo saioek feminismoa izango dute oinarri: "Atzoko saioan bozketa bat egin zen eta feminismoa izan zen gai aukeratua".