Hastapeneko mural margotze ikastaroa eskaini du 'Sortwo'-k

Hastapeneko mural margotze ikastaroa eskaini du 'Sortwo'-k.

Beartek antolatutako mural ikastaroa izan da gaur, Jokin Oregi, Sortwo izenez ezagutzera eman den artista bergararraren eskutik. Guztira, zortzi lagun izan dira bertan; batzuk, inoiz marraztu ez dutenak, eta beste batzuk, aldiz, lantxoren bat egindakoak direnak. Hala, gustura aritu dira ikasgai teoriko pixka bat jaso eta spray-ak eskuan hartuz praktikatzen.

"Ikastaroan izena eman duten batzuk ezin izan dira lehenengo orduan azaldu, beraz pixka bat gehiago geratu gara. Hasieran, bi bideo jarri dizkiet margotzearen prozesua erakusteko. Ondoren estilo ezberdinetako argazkiak erakutsi dizkiet, eta ondoren,spray-ak erabiliz margotzen izan gara", adierazi du Jokin Oregi artistak.

Murala, ideiak batuz

Gaurko ikastaroaren ostean, denbora gehiago dedikatuko diotela gaineratu du Oregik, eta bertaratu direnei, bozetotik muralera dagoen prozesua azaltzeaz gain, denen ideiekin mural bat egitea nahi dutela.

Erlazionatuak

Mural ikastaroa eskainiko du 'Sortwo'-k Bearteko lokalean

Bergara

Jokin Oregi, Sortwo izenez ezagutzera eman den artista bergararra, herrian da. Izan ere, Beartek antolatutako mural ikastaroa eskainiko du bihar, 1...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.