Urteetako eskarmentua du Madrilen jaio baina asturiarra sentitzen den biolin-joleak; irakaslea da Goi Mailako Katarina Gurska eskolan, baina askotariko orkestratan ere parte hartzen du; adibidez, Bilboko Orkestra Sinfonikoan.
Jorge Grundman lagun eta konpositoreak sortu eta apirilean Toledon estreinatu zuten Shoah for solo violin and Sacred Temple partita eskainiko du bihar, zapatua, Bergarako aretoan. "Sei mugimendurekin osatuta dago. Musika deskribatzailea da, eta publikoa hunkitzea du helburu nagusi. Holokausto garaiko istorio gogorrak jasotzen ditu Grundmanen aitona-amona judutarren eta, orokorrean, Holokaustoko biktimen memoria berreskuratzeko asmoa du eta horrelako gehiago ez gertatzeko itxaropenerako bidea zabalik uzten du. Jaime Arranz aktorea izango dut taularen gainean lagun, haren narrazioek lotuko dituzte piezak. Publikoa negarrez ikusi dut baina aretotik irribarre batekin ateratzen gero"
