Bergarako udalbatzak Lurraldebus zerbitzuak Debagoienean murrizketak izan dituela salatu zuen, aho batez, azken osoko bilkuran. Horrekin batera, Diputazioari zerbitzuaren erabilera eta asebetetzearen balorazioa egiteko eskatu gura dio. Hala, Udalak herritarren artean inkesta bat abiatu du, erabiltzaile eta herritarren iritzia ezagutzeko eta proposamenak egin ahal izateko.
Inkesta eskuratzeko eta betetzeko bi modu daude:
• Udalaren webgunean edo hemen klikatuta.
• Udal eraikin hauetan: udaletxea (udaltzaingoan), liburutegia, Agorrosin Kirol Gunea, Osintxuko liburutegia, Labegaraieta kiroldegiko taberna, San Joxepe elkartea, Miguel Altuna Institutua eta Irizar jauregia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.