Urria hasieran argitaratu zuen Uxue Alberdi elgoibartarrak bere laugarren liburua, Jenisjoplin. Atzo, Angiolillo liburutegian izan zen Alberdi liburuaren nondik norakoak herritarrei gerturatzen. "Jendeaz konektatzeko erraztasuna dauka, oso-oso gustura egon ginen berarekin solasean", azaldu du Aser Garitano bergararrak.
Hamabi lagun batu ziren atzo Angiolillo liburutegian. "Giro goxoa eta gertukoa" sortu zuten Uxue Alberdiren solasaldian. "Oso gertukoa da Uxue eta euskara maila oso ona dauka, bera entzutea plazer bat da", kontatu du Garitanok.
Liburuaz gain, bestelako kontuak ere azaleratu ziren: "Bertsolaritzaz, feminismoaz... Norberaren bizipenez ere jardun genuen; orduko gizarteaz ere egin genuen erradiografia. Erraztasun ikaragarria dauka kontakizunerako eta hirugarren pertsona bati nola iritsi badaki Uxuek". "Ideiak erraz eta modu oso naturalean azaltzen ditu. Liburuan jasotako zenbait gauzek ere autobiografiatik badutela esan zigun".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
