'Jenisjoplin' liburua aurkeztuko du Uxue Alberdi egileak kartzela zaharrean

'Jenisjoplin' liburua aurkeztuko du Uxue Alberdi egileak kartzela zaharrean
Uxue Alberdi gaztetxean, aurreko solasaldi baten.

Egubakoitzean, urtarrilak 12, Jenis Joplin liburua aurkeztuko du haren egile Uxue Alberdik (18:00) gaztetxean. Angiolillo liburutegiak gonbidatu du Alberdi kartzela zaharrera; urrian argitaratu zen elgoibartarraren liburua, eta oso harrera ona izan du.

Angiolillo liburutegiko kideek honela deskribatu dute Alberdiren azken lana: "Nobela honetan, ardatza, protagonistarena egiten duen pertsonaiaren ibilbidea da. Izan ere, eleberrian zehar Nagore Vargas (Jenisjoplin, aitak deitzen dion bezala) izeneko pertsonaiaren bizitza kontatzen zaigu, lehenengo pertsonan azalduta. Istorioan berak foku moduan jokatzen du, bere inguruan gertatzen den guztia argitzen eta argi horren arabera azaltzen. 80ko hamarkadaren lehenengo urteetan jaiota, oso gaztedanik, nerabezarotik, bere bizitzaren lema eskuetan eduki nahi izan du. Nobelan azaltzen denez, hiru zutaberen gainean eraikitzen du bizitza: militantzia, sexua eta disidentzia. Euskal Herriko eskualde marjinatuan hazita, klase kontzientzia argia du lehenengo momentutik eta berak, baztertuen alderdian dagoelarik, mundua marjinalitate horretatik ikusten du. Sexua, bestalde, askatasunaren adierazpide moduan agertzen zaigu istorioan, sexuaren bidez bere nortasuna azpimarratu nahi baitu".

Helduendako laugarren lana

Uxue Alberdik helduentzat argitaratu duen laugarren lana da Jenis Joplin. Idatzitako bi ipuin bildumetan norberaren eta ingurunearen artekoez aritu zen, hainbat girotan kokatu zuen irakurlea, ezagunetik arroztu nahian. Ondutako bi nobeletan aldiz, ohiko lekuari kanpotik begiratu nahi izan dio memoria ariketa bat eginez beste begirada batez.

Erlazionatuak

Uxue Alberdi: "Gure belaunaldiari ahotsa jartzeko garaia da"

Oñati

Uxue Albediren 'Jenisjoplin' eleberriak zeresan handia eman du. Urri hasieran argitaratu zen elgoibartarraren liburua, eta oso harrera ona izan d...