Ibon Iparragirre "urgentziaz aske" uzteko eskatu dute Bergaran

Egubakoitz iluntzean Bergaran egindako agerraldia.

Ibon Iparragirre Ondarroako presoaren egoera salatzeko agerraldia egin zuten atzo iluntzean Bergarako plazan Gure artera-Sarek deituta. Hainbat lagun batu ziren Dispertsioa amaitu eta Ibon Sos zioten leloen atzean. Ibon Iparragirre "hil ala biziko egoeran" dagoela salatu dute, eta "urgentziaz aske utzi" behar dutela "kartzelan hil ez dadin".

Aittor Arantzabal Gure artera-ko kideak azaldu du Iparragirreren egoera "oso oso larria" dela, eta "alarma guztiak piztuta" daudela. Arantzabalek gehitu du "urgentziaz aske utzi" behar dutela ondarrutarra "kartzelan hil ez dadin".

Ondarrutarrak ihesa du eta muturreko osasun egoeran dago. Hori horrela, Sarek deituta kale agerraldiak egin dituzte Euskal Herri osoan –Bergaran Gure artera taldeak–. Presoa aske uzteko eskatu dute, eta orain, epailearen eta medikuaren erabakiaren zain daude. Hori horrela, "egoera izugarri luzatzen" dabilela salatu du Arantzabalek.

Arantzabalek gehitu du hurrengo egunetarako ez dutela agerraldirik aurreikusi Bergaran; baina, abenduaren 9an –Parisen– eta urtarrilaren 12an –Bilbon– kalera aterako direla.

Erlazionatuak

Abenduaren 9an Parisera joateko deialdia egin dute Aretxabaletan

Aretxabaleta

Euskal Presoen eskubideak aldarrikatzeko batu ziren atzo, hileko azken egubakoitzero egiten duten moduan, Aretxabaletan. Atzoko ekitaldiak, baina, ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.