Mundu mailako fabrikatzaileak elkartuko dira Alemanian azaroaren 14tik 17ra bitartean. Iaz 1.200 stand egon ziren eta 80 herrialde ezberdinetako 38.000 bisitari izan zituen azokak. 2007tik, urtero izan du Lazpiurrek bere txokoa azoka garrantzitsu honetan. Aurten, A3 hall-eko 322. standean egongo da bere makina berria erakusteko.
Enpresa bergararraren azken berrikuntza terminalak txertatzeko Press-fit makina da. Orain arteko bi buruei berri bat gehitzeari esker, txertatzea azkarrago egiten da eta gainera, behar ezberdinetara moldaerrazagoa da. Aldaketa honi esker, terminalak hirunaka txertatzen dira, azkartasunean irabaziz, eta terminalak kokapen ezberdinetan txertatu daitezke panela jiratu gabe. Ondorioz, PCB edo panel bakoitzerako behar den denbora 5 segundotan gutxitu da. Enpresak "berrikuntza garrantzitsua" dela esan du, izan ere, hiru buruei esker, makinak "eraginkontasuna" irabazi du.
