2018ko otsailean itzuliko da Hilzoriko Kristoa Bergarara

Argazkian nabarmen ikus daiteke kristoaren berreskuratzea.

Aurrera doaz, Sevillan, Bergarako Hilzoriko Kristoaren berreskuratze lanak. Jon Molina parrokoaren arabera Gabonetarako amaituta egongo da zaharberritzea, baina datorren urteko garizuman bueltatuko da San Pedro elizara: "Liturgikoki, Gabonak ez dira sasoi onena kristoari begira jartzeko eta horregatik haren etorrera hilabete eta erdi atzeratuko dugu. Otsail erdialderako helduko da".

Sevillan kokatuta dagoen Ondare Historikoaren Kontserbaziorako Andaluziako Institutuan ari dira Hilzoriko Kristoa zaharberritzen. Aurtengo urtarril amaieran eraman zuten Sevillan eta han erakusgai izan ostean ekin zioten pieza eraberritzeari.

Ez da Donostian geldituko

Beste komunikabide baten irtendako artikuluak sortutako nahasmena dela-eta Molinak argi utzi gura izan du Hilzoriko Kristoa Bergarako San Pedro elizara bueltatuko dela: "Gurutzea Sevillatik Donostiako Artzain Onaren elizara emango dute bertan erakusgai egon dadin. Egun batzuez egongo da Donostian, baina ondoren Bergarara ekarriko dute, bere betiko lekura". Izan ere, Molinak gaineratu duenez, San Pedro elizako kapera bera ere eraberritu dute Hilzoriko Kristoa bueltatzen denerako, argiteria berri eta guzti.

Erlazionatuak

Bergarako Hilzoriko Kristoa, Sevillarako bidean

Bergara

Galeria Garduño enpresako ordezkariek 4x2 metroko kaxan sartuta atera dute San Pedro parrokiatik. Furgonetan egingo du harainoko bidaia. And...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.