San Martin jaietako Udal Musika Bandaren kontzertua pilotalekuan egin behar izan dute eguraldiagatik. Emanaldiak une hunkigarriak utzi ditu; adibidez, banda San Martinen ereserkia jotzen ari zela, Alfredo Gonzalez Chirlaque zuzendariak buelta eman eta ikus-entzuleak kantuan jarri dituenekoa.
600 lagundik gora elkartu dira frontoian eta aurreikusitako piezez gain, San Martin Martxarekin borobildu dute emanaldia. Hortaz sei pieza interpretatu dituzte: Aritzeta, Ballet Parisien, Nagasaki 1957, Virginia, San Martin eta San Martin Martxa.
"Oso polita izan da jendea kantuan ikustea, jendea hunkitu egin da. Bati baino gehiagori malkoak atera zaizkio", adierazi du bandako kide Igor Larrañagak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
