Musika dantzagarria eta umorea gaur eguerdian Bergarako Santa Marina auzoko jaietan

Larraitz Zeberio Lekuona 2017ko uzt. 16a, 18:33

Eguerdian Sidral Brass Band taldeak girotu ditu jaiak, eta Jai Batzordeak auzoko harakinek emandako pintxoak banatu dituzte Barikuan egindako Gin-Tonic txapelketari dagokionean Maxim's tabernako Kristian Arantzabalek irabazi du aurten ere.

Giro ederrean doaz Bergarako Santa Marina auzoko jaiak. Bariku arratsaldean eman zieten hasiera eta eguraldi onak lagunduta kalean elkartu dira askotariko auzotarrak. Suziriak, buruhandiak, askotariko txapelketak, pintxo-pote girotuak, dantzaldiak, dastaketak... denetarik izan dute.

Atzo gauean eta gaur eguerdian Kataluniako Sidral Brass Band taldeak ipini du musika. Egia esan, musika eta zerbait gehiago; izan ere, erritmo eta umore handiarekin jotzen du gazte talde horrek.

Pintxo banaketa ere egin dute Santa Marinan, gaur. Auzoko harakinek eta merkatariek jaietarako emandako produktuekin egin dute barbakoa Jai Batzordekoek, eta amaitu bitartean banatu dituzte pintxoak bertaratutakoen artean.

Gin-Tonic lehiaketan Arantzabal nagusi

Bigarren urtez Gin-Tonic lehiaketa egin dute Santa Marinako jaietan. Bederatzi tabernarik hartu dute parte eta sari nagusia, aurten ere, Maxim's tabernako Kristian Arantzabalendako izan da. Bigarren egin dute Pol Pol tabernako tabernariek eta hirugarren Aralar tabernakoek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak