Orokorrean positiboko baloratzen dituzte aurtengo jaiak: "Eguraldi txarra egin bazuen ere, orokorrean jai giroa nagusitu zen eta bergararren parte-hartzea polita izan zen. Euriagatik ekitaldi batzuk lekuz aldatu behar izan ziren, baina bakarra izan zen bertan behera gelditu zena".
Zalaparta herri bazkariaren harira
Asteleheneko herri bazkariak ika-mika sortu du aurten eta parte-hartzea erdira jaitsi da iazkoarekin alderatuta. Horren harira, Jai batzordearen iritziz herri bazkariaren eredua hausnartu beharra dago; ez bakarrik Pentekosteetakoa, baizik eta herrian ospatzen diren gainerako herri bazkarien eredua ere.
Txosnaguneko lapurreta salatu
Puntu negatibo bezala Jai Batzordeak txosnagunean zapatu goizean izan zen lapurreta salatu du: "Jai giroa aprobetxatuz, ezezagun batzuk itxita zegoen txosna baten sartu eta lapurtu egin zuten. Ekintza tamalgarri hau publikoki salatu nahi du Jai batzordeak".
