Bergarako txosnek prest dute jaietako egitaraua

Bergarako txosnak, iaz. Argazkia: Imanol Soriano

Ekainaren 2tik 6ra bitarteko egitaraua prestatu du xaxau konpartsak Pentekoste jaietarako. Hotz bergara omenduko dute, eta, horren baitan, eragileari zuzendutako egun bat antolatzeaz gain, haren partxea jarri dute salgai.

Xaxauko kideek prest dute txosnetako egitaraua. Azken urteetako joerari jarraiki, ekintza batzuk kalean egingo dituzte, "egitarau herrikoia" herriko gune ezberdinetara zabaltzeko asmoz, Nerea Madariagak, Xaxauko kideak, azaldu duenez.

Bestetik, berrikuntza batekin datoz: Hotz Bergara omentzeko eguna antolatu dute. "Egitarauko egun bat herriko eragile baten esku uzteko hautua egin dugu lehenengoz; aurten, Hotz Bergarari eskaini diogu ekainaren 4a. Urtean zehar eginikoagatik omendu gura dugu horrela", esan du Madariagak. Hala, Hotz Eguna bataiatu dute ekainaren 4a. Gainera, eragilea omentzeko jardun horretan, Hotz Bergararen partxeak jarri dituzte salgai, 4 eurotan; Hamaika eta Arrano tabernetan eskura daitezke.

Emonen ibilbideari errepasoa

Emon musika talde bergararraren bueltako emanaldi berezia izango da ikusgai ekainaren 2an, egubakoitzean. Emonen ibilbidean taldekide izan diren zenbait musikarik jardungo dute agertokian. "Taldearen abestiak eskainiko dituzte; horietako asko, ibilbidea hasi zutenean sorturikoak", dio Madariagak.

Honatx, Bergarako txosnen egitaraua:

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.