Sektore desberdinetan lan egiten duten pertsonek euren esperientzia azalduko dute Goiaz! azokan, eta orientatzaileak ere izango dira gazteen zein haien gurasoen galderei erantzuteko.
“Formazioan sinesten dugu. Egungo egoera sozio-ekonomikoa ez da erraza, eta aurre egiten ari bagara ere, honelako ekimenak oso garrantzitsuak dira etorkizunerako. Horregatik, ikasketen erabakitze sasoian dauden gazte zein euren gurasoak Goiaz! Azokara hurbiltzera animatu nahi ditugu”, esan du Sabino Azkarate zinegotziak.
