Saharako dunetan indartsuena

Elena Frechilla, Hankaluzetrail taldeko ordezkaria.

Bergarako Hankaluzetrail taldeko Elena Frechilla bilbotarrak irabazi du Saharako maratoia (3.51.46), Giorgio Calcaterra (3:00.53) italiarrarekin batera. Frechillak desertuko dunetan utzi zuen atzean bigarren sailkatu zen Sara Hannerz suediarra, eta iazko San Silbestre Traileko irabazlea bakarrik helmugaratu zen. 

Saharako dunetan Elena Frechillak ez zuen kontrariorik izan. Harea gainean inoiz korrika egin gabekoa zen, ez behintzat desertuko harea gainean, baina zoru berezi horretara azkar moldatu zen Bergarako trail taldeko ordezkaria, eta hasieran erritmo lasaia jarri bazuen ere, lasterketa benetan gogortu zenean egin zuen aurrera. Bigarren sailkatu Sara Hannerz suediarra gerturatzen ari zitzaiola ikusterakoan, behera egin beharrean, bizkaitarrak aurrera egin zuen indartsu, lehenengo helmugaratuz: "Ez nuen inondik inora irabazterik espero. Banekien giro oso berezia egoten dela lasterketa honetan, eta bertako parte izan gura nuen", adierazi zien komunikabideei.

Lurralde askotako korrikalariak batu ziren aldarrikapen kutsua duen lasterketara, herri saharauiaren egoeraren berri emateko oihartzuna, kirolaren bitartez. Izan ere, solidaritatea izaten da, urtero, lasterketako irabazlea.

Erlazionatuak

"Gogorra izan arren, gozatu egin dugu"

Bergara

IGAMeko kideen hitzak dira, Saharako elkartasun lasterketa bukatu berritan. Errefuxiatu sahararrek kanpalekuetan bizi duten egoera ikusgarri egitea...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.