"Energia berriztagarrien kontratazio publikoan aurrera egitea" eskatu du Irabazik

Julen Iriondo 2017ko ots. 17a, 16:15

Koalizioaren udal taldeak nahi du Bergarako Udalak Bartzelonaren eredua jarrai dezala. Zentzu honetan eta Garoñako zentralaren balizko irekieraren aurka eginez, mozioa eramango du otsaileko osoko bilkurara.

Mozio horretan zera eskatzen da, "Garoña desmantelatzea eta energia berriztagarriaren kontratazio publikoan aurrera egitea oligopolio elektrikoarekin zerikusirik ez duten enpresa merkaturatzaileen bidez".

Ekimen horretan Udalari eskatzen zaio "energia-hornidura atalka zatikatzeko aukerarik ote dagoen azter dezala, jatorri berriztagarria duen energia berdea (% 100ean egiaztatua) soilik hornitzen duten enpresa merkaturatzaile txikiekin kontratuak egin ahal izateko". “Energia berriztagarriak garbiak, merkeak eta seguruak dira, tokiko enplegua sortzen dute eta energia-autosufizientzia lortzen laguntzeaz gain, klima-aldaketaren aurka borrokatzen laguntzen dute”, adierazi du Irabaziko zinegotzi Aiert Lizarraldek.

Neurri hori hartu dute dagoeneko Bartzelonan, eta koalizioak nahi du Bergaran urrats horiei jarraitzea.

Era berean, eskatzen dute Bergarako Udalak Garoñarekin moztu webgunean jasotako agiria sina dezala eta kanpaina udal webgunean argitara dezala.  “Halaber, herriko leku batean –ikusteko modukoa den leku batean– Bergaratik Garoñaraino, Txernobyleraino eta Fukushimaraino dauden distantziak adieraziko dituen errotulu bat jartzea nahi dugu”, zioen Lizarraldek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak