Ideia lehiaketan parte hartzeko azken egunak

Bergarako Udalak antolatutako ekimenean herriko bizi kalitatea hobetzeko balizko proiektuak otsailaren 1era arte aurkeztu daitezke.

Adinaren arabera, kategoria desberdinak izango dira, eta antolatzaileek herritarrak parte hartzera animatu nahi izan dituzte. Jarraian, oinarri nagusiak:

Ideiak honela aurkeztu behar dira:

A kartazala: itxita aurkeztu beharko da; horren azalean leloa (identifikazio-kodea) egongo da idatzita, eta barruan jasoko dira egilearen izen-abizenak, NAN zenbakia, helbidea, telefonoa eta e-posta.


B kartazala: azalean leloa egongo da idatzita, eta barruan honako euskarri hauek bildu beharko ditu, kasu guztietan gutxienez euskaraz aurkeztuta:

  1. Epaimahaiaren esku jarriko den ideiaren idatzizko aurkezpena. Hau derrigorrezkoa izango da, eta honako atal hauek izango ditu: ideiaren azalpena, helburuak eta onurak.
  2. Web-orrialdean eta erakusketa-aretoan jartzeko, ideiaren azalpen-kartela, A2 neurriko orri batean; bertan azalduko da ideia bera eta berau adierazteko beharrezko marrazki, grafikoak, azalpenak…

Ideiak udaletxean (goizez) eta liburutegian eta Agorrosinen (goiz eta arratsaldez) aurkeztu ahal izango dira.

Erlazionatuak

Bergarako bizikidetza hobetzeko ideia lehiaketa zabalik da otsailaren 1a arte

Bergara

Bergara Elkarrekin Egin, ideia lehiaketa, Gabonetan jarri zuen martxan udalak. Lehiaketaren helburua bergararrek euren bizi kalitatea hobetzeko pro...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.