Wolfram Encounter lehiaketan herriko jokalariak onenen artean

Bideo jokoen txapelketa, Wolfram Encounter, egin dute asteburuan Aranzadi ikastolako kiroldegian. Hiru jolas edo modalitatetan jardun dute 30 parte hartzailek, atzo, zapatua, goizeko 11:00etan hasi eta gaur 13:30ak bitartean iraun duen lehiaketan. Lehiaketako hiru sarietatik bi, Bergaran geratu dira, eta  Bizkaira eraman dute, hirugarrena.

Herriko parte hartzaileez gainera, Gasteiztik, Eibartik, Arrasatetik, Irunetik, Donostiatik eta Bizkaiatik etorri diren lehiakideek hiru joko zituztela aukeran azaldu du Iker Domingezek, Wolfram Encounterreko koordinatzaileak: "League of legends jokoa da horietako bat, bost lagunek elkarrekin jolasten duten estrategia jokoa da. Joko horretan, Asier Calvok gidatu duen Bergarako boskoteak irabazi du. Bigarren jokoan onena Bizkaitik etorri den Mikel Mitch Pijoan izan da. Hearthstone jokoa da hori, karta joko bat da.  Clash Royale, hirugarren jokoa, berriz, telefono mugikorrekin eta tabletekin jolasteko gerra jolasa da, eta Bergarako Isaiah, hamabi urteko mutikoak irabazi du. Lehenengo bietan parte hartzeko 16 urtetik gorako parte hartzaileak izan behar ziren, eta hirugarrenean, berriz, ez zegoen adin mugarik ".

Antolatzaileak oso gustura daude lehiaketan izan duen harrerarekin eta lehiakideen artean izan den giroarekin. "Lo egiteko tokia ere bazegoen eta, parte hartzaile batzuk bertan pasatu dute gaua. Lehiaketak ordutegi zehatz bat zuen eta horretatik kanpo, parte hartzaileek gura izan duten beste hainbatetan jolasteko aukera aprobetxatu dute".

 

Erlazionatuak

Zientzia gertutik ezagutzeko askotariko ekimenak

Bergara

Zientziarekin jolasteko adin mugarik ez dagoela argi geratu da gaur, zapatua, Bergaran egiten ari diren Zientzia, Teknologia eta Berrikuntza jardun...
Aurkitu berriak diren grabitazio uhinen gaineko azalpenak, atzo, Bergaran

Bergara

Bergarako alkate Elena Letek zabaldu zituen atzo iluntzean Zientzia, Teknologia eta Berrikuntza jardunaldiak. Grabitazio uhinen ingurukoa izan zen ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.