Omenaldia jaso dute Osintxuko fusilatuek eta euren senideek

Martxaren burua monolitoa dagoen tokira heltzen

Duela 80 urte faxistak Osintxun sartu eta bost auzotar hil zituzten: Tomas eta Ildefonso Iñarra anaiak, Ricardo Zangitu, Rufino Akizu eta Jose Garaikoetxea. Gaur omenaldia jaso dute eurek eta euren senideek.

Eguerdiko meza ostean, oinez joan dira Osintxuko erdigunetik Mekolaldeko sarreraraino. Hantxe dago Juan Balentziagak bost fusilatuen omenez egindako eskultura, eta hantxe egin zaie omenaldia hildakoei eta euren senideei. Gure oroimenean beti zioen pankarta eraman dute martxaren buruan fusilatuen senideek.

Biolin doinuek lagunduta aurreskua dantza egin du lehendabizi Manex Alberdik eta hiru bertso kantatu ditu segidan Enaitz Alustizak. Ondoren, Xabier Arregik hitz egin du gertatutako gogoratzeko eta horrek etorkizuna egiteko duen garrantzia azpimarratuz. Senide bakoitzari lore-sorta bana eman dizkiete horren ondoren, biolin jotzaileak Xalbadorren heriotzean pieza jo duen bitartean. Horrela bukatu da ekitaldia.

Aspaldiko gertaera izan arren, ez dutela ahaztu adierazi dute senideek eta batek baino gehiagok ezin izan dio eutsi negar malkoari.

Erlazionatuak

Osintxuko fusilatuei omenaldia

Bergara

Duela 80 urte fusilatu zituzten bost osintxuarrei eta euren senideei egindako omenaldia.
Osintxun arrastoa laga zuen krimena gogoan

Bergara

80 urte bete ziren atzo faxistak Osintxun sartu eta bertako bost gizon fusilatu zituztenetik. Gertaera hauek ahanzturan eror ez daitezen, auzokidee...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.