Herriko hogei merkatarik hartu dute parte, Bergara Bizi ekimenak antolatuta, lehenengoz egin duten Pop Up erako azokan. San Martin plazan, lehen Biltoki denda egon zen lekuan, jarri dituzte produktuak bi egunez –%10eko deskontuarekin, gainera–, eta Bedelkarreko Ainhoa Garitanok adierazi du merkatari "denak" geratu direla oso pozik salmentekin.
Garitanoren esanetan, jende asko ibili da bai zapatuan eta bai domekan azokan: "Zapatu arratsaldean, adibidez, jendea zain zegoen kanpoan, noiz irekiko".
Aurreikuspen guztiak gainditu dituztela-eta, azaldu du aztertuko dutela denbora asko pasatu gabe era honetako beste azoka bat egitea.
Azokarako aukeratutako lekuak oso ondo funtzionatu duela ere adierazi du.
2016 urr 05 Bergara
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.