"Garbiago" dagoen arren, zabor ugari batu dute Bergarako erreka garbiketan

Imanol Beloki Unamuno 2016ko urr. 15a, 15:30

Bergaran erreka garbitzen izan dira goizean laugarren urtez. Auzolanean, Labegaraietan hasi eta Mekolalderainoko zatia garbitzen izan dira 220 lagun inguru. Egurra, burdina eta errefusa bereiztu dituzte, eta Erreka Garbiketa Batzordekoak "oso pozik" agertu dira egindako lanarekin eta izan den parte-hartzaile kopuruarengatik.

Ariane Kareaga Erreka Garbiketa Batzordeko kidearen esanetan: "Oso lasai joan da goiza, eta laugarren edizio honetan jende gutxiago gerturatu den arren, erreka garbiago dagoela sumatu dugu… beraz pozgarria da hori".

Batutakoa Seminarioan bildu dute, hiru edukiontzitan, eta Mankomunitatekoek astelehenean eramango dute zaborra zabortegira. Bestalde, adierazi dute hurrengo urtera begira zabor bilketaren tramua luzatu egingo dutela.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak