Lehenengo egunetan %70 inguruk jaso dute edukiontzietarako txartela Bergaran

Julen Iriondo 2016ko api. 8a, 12:10

Aste Santu eta Pazko Asteko etenaren ostean, astelehenean ekin zioten berriro opor-sasoi aurretik hasitako txartel banaketari. Apirilaren 18an jarriko du Udalak martxan herrian hondakinak batzeko edukiontzi bidezko sistema, eta Obra eta Zerbitzu batzordeko buru Lander Arregi gustura agertu da lehenengo egunetan deituta zeudenen %70 inguruk jaso dutelako errefusaren eta organikoaren edukiontzientzako txartela.

Datorren eguenean bukatuko da txartelen banaketa, eta gaurtik ordura bitarteko banaketa denak Oxirondo azokan egingo dira –10:00etatik 13:00etara eta 16:00etatik 19:00etara–. Bertan izango dute txartela jasotzeko aukera, ez bakarrik berez dagozkien kale eta auzoetako bizilagunek –norberak joan ezin badu, beste batek jaso dezake, lehenaren telefono zenbakia emanda–, baita aurreko egunetan jasotzea zegokien eta jaso ez zuten bizilagunek ere.

Hor ere jaso ezean, azken aukera izango da apirilaren 18tik aurrera Hondakinen informazio bulegoan jasotzea. Etxebizitzetan jarritako bando bidez ari da jakinarazten Udala leku bakoitzeko bizilagunek noiz eta non jaso behar duten txartela –Udalaren webgunean ere badago–.

Txartelak hartzeko azken asteko egutegia

Apirilak 11, astelehena, Oxirondo Azoka

  • KRUZ GALLASTEGI KALEA
  • IRIZAR PASEALEKUA
  • MASTERREKA KALEA
  • SIMON ARRIETA PLAZA
  • 496 bizilagun

Apirilak 12, martitzena, Oxirondo Azoka

  • OXIRONDO AZOKA
  • FLEMING KALEA 557
  • ALKABIETA KALEA
  • URDANGARIN PASEALEKUA
  • FRAIZKOZURI PLAZA
  • KATABIA KALEA
  • MUGERTZA KALEA
  • OXIRONDO PLAZA
  • ZUBIETA KALEA
  • ZURRADERO KALEA
  • 557 bizilagun

Apirilak 13, eguaztena, Oxirondo Azoka

  • BONI LASKURAIN PASEALEKUA
  • IBAIONDO PASEALEKUA
  • MATXIATEGI KALEA
  • 558 bizilagun

Apirilak 14, eguena, Oxirondo Azoka

  • ERNAI KALEA
  • UGARTE KALEA
  • LIZARIA KALEA
  • MADURA KALEA
  • MELCHOR SANCHEZ TOCA
  • MOIUA KALEA
  • MOIUA BIDEA
  • AMILLAGA KALEA
  • LEIZEAGA KALEA
  • UBERA AUZOA
  • 624 bizilagun

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak