La 'Traviata' operako bergararrak

Eneko Azkarate 2016ko ots. 8a, 13:45

Zorroagako elizan ateratako argazkian ez daude parte hartuko duten bergarar guztiak.

Donostiako Kursaalen otsailaren 19an eta 21ean izango den La Traviata operan parte hartuko duten bergararren argazkia duzue honakoa. Valen Moñux da zuzendari eszenikoa eta eszenografoa. Eta Alex Odriozola, bere taldearekin, arduratu da eszenako elementuen eraikuntzarekin.

Baina horiez gain, beste bergarar batzuek ere parte hartuko dute Kursaaleko La Traviata-ren muntaian: sei figurante aktore lanetan (kantatu gabe); lau Bergarako Musika Eskolako kantu ikasle eta haren irakaslea; eskola bereko dantza irakaslea operako dantzaria izango da eta horren koreografia Edu Muruamendiarazek asmatu du. Orotara, 20 bergararrek parte hartuko dute, zuzenean edo kanpoko lanetan.