Presoen etxeratzearen aldeko jende katea egin dute Bergaran Sortuk deituta

Giza kateko une bat.

19:00etan hasi zen mobilizazioa martxan Bergarako Plazatik. 60-70 pertsona inguru bertaratu ziren Sortuk deitutako katera. Gerturatutakoen artean herriko ezker abertzaleko hainbat politikari ikusi ziren, adibidez, Agurne Barruso Bergarako EH Bilduko zerrendaburua edo Maite Aristegi kongresuko diputatua.

Jende katea, Euskal Preso Politikoen Kolektiboko (EPPK) presoek egindako eskaria babesteko antolatu dute. Kartzelaratuak Euskal Herriratzeko nahia erakutsi diote espetxe zaintza eta tribunal ezberdinei. Gaur Madrileko Audientzia Nazionalak lehen 12 eskariak aztertuko ditu, tartean, Mikel Askasibar bergararrarena.

Sortuk adierazi du EPPKren estrategia babesten duela eta kalean zein instituzioetan ahal duen guztia egingo duela "erabat justu eta legitimoak diren eskari hauek bete daitezen". Sortuk bi urrats aipatzen ditu nagusitzat; euskal presoak herriratzea "giza eskubideen urratze larria berehala konponduz", eta gaixo dauden espetxeratuak aske uztea.

Sortuk adierazi du, "PP eta Espainiako Gobernuaren jarrera erabat prozesuaren aurkakoa dela, beraien esku dagoen guztia egiten ari direla konponbide prozesua gaizki amaitu dadin, armagabetzea bera larriki oztopatuz".

Erlazionatuak

Presoen eskaerak aintzat har daitezen agerraldia egingo du Sortuk gaur Herriko Plazan

Arrasate

Arrasateko Sortuk prentsa ohar bidez egin du gaur, barikua, Herriko Plazan (19:30) egingo den elkarretaratzerako deia: "Irailaren 25ean, Espai...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.