Bergarar gaztea atzo lehenengo iritsi zen Basalgoko helmugara, eta gaur beste hainbeste egin du Boluatik Ugarrixarainoko txirrindulari gaztetxoen lasterketan. Bigarren eta hirugarren postuak ere atzoko berdinek erdietsi dituzte: Ekain Larrea eta Julen Prietok, hurrenez-hurren. Infantil, alebin eta benjamin mailako hamaika mutikok hartu dute parte guztira Santa Ana jaien baitan ospatu den hitzorduan.
Hamar minutu eta hogeita sei segundotan amaitu du Ugarrixako igoera gaurko irabazleak. Gertu izan du bigarrena, sei segundotako tartearekin helmugaratu baita Larrea antzuolarra. Boluako auzotar Julen Prietorekin batera, atzo (zapatua) ospatutako Basalgoko igoerako podiuma errepikatu da.
Erdiko kategorian, alebinetan, Xabier Muxika izan da lehena, eta benjaminetan, aldiz, Ibai Albisua.
Boluara bueltatzean, parte hartu duten txirrindulari guztiak igo dira banan-banan taula gainera haien saria jasotzera. Gainera, Lokatza ziklismo eskolakoek gozokiak jaurti dituzte bertan bildutako umeentzat.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak