Manifestazioa egin dute Candyko langileek, zuzendaritzakoekin azken batzarra egin aurretik

Eneko Azkarate 2014ko abe. 12a, 08:40

Azkeneko asteotan egin duten bezala, bart ere manifestazioa egin dute Candyko langileek Bergarako kaleetan barrena. Eskualdeko beste langile eta sindikatu batzuetako ordezkarien, familiarteko, lagun eta herritarren babesarekin, berretsi egin dituzte beste behin aldarrikapenak: Candy ez ixtea eta deslokalizazioei ezetza. Gaur azkeneko batzarra dute langileen ordezkariek Candy Hooverreko zuzendaritzakoekin.

Orain arteko batzarrak akordio barik bukatu dute eta alde bien iritziak eta ikuspuntuak muturrean daude. Gaurko batzarrean adostasunik lortu ezean, auzitara jo beharko dute. Atzo, bestalde, Jon Peli Uriguen Berrikuntza diputatuarekin batzartu d¡ziren Candyko langileen ordezkariek.