Arribiribilletako menhirra behin altxatuta, erromeria egingo da domekan Irikurutzetan. Aranzadiko kideek zutarriaren berreskurapenari buruzko azalpenak emango dituzte eta umeentzako tailerrak ere egongo dira. Girotzen hasteko, Soraluzeko Alkarrekin taldeko kideek gonbidapen bideo bitxia zabaldu dute. Joan den astean jarri zuten zutik menhirra.
Goizeko 11:30ean hasiko da erromeria Irukurutzetan. Aranzadi Zientzia Elkarteko kideen eskutik berreskurapen ikerketa eta ekintzaren berri emango da eta inguruan egin den Dolmenen Ibilbidea delako ekimena ere aurkeztuko da. Dantza eta musika saioak egongo dira eta salda eta txorizoa ere banatuko da hango elkartean. Umeek tailerretan ere parte hartzeko modua izango dute eta historiaurreko bizitzari buruzko azalpenak jasoko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.