Deba ibaia auzolanean garbitzeko deialdia egin dute urriaren 18rako

Herritar taldea ibaia garbitzen.

Erreka Garbitzeko Batzordeak egin du deialdia, iaz egindako lehenengo aldiari jarraipena emanez. Herritarron parte-hartzearen garrantzia azpimarratu dute eta dagoeneko izenematea zabalik dagoela ere nabarmendu dute. Urriaren 6a izango da horretarako azken eguna.

Deba ibaia garbitzeko auzolana antolatu du aurten ere Erreka Garbitzeko Batzordeak. Urriaren 18rako egin dute deialdia eta herritarron parte-hartzearen garrantzia azpimarratu dute.  

Batzordetik azaldu dutenez, "aseguru kontuak direla eta ezinbestekoa da izena ematea". Horretarako lau bide daude: udaltzaingoan, kultura etxean zein Agorrosin Ekintza Gunean dauden inprimakiak beteta. Horrekin batera, errekagarbitzeko@gmail.com helbidera ere idatz daiteke mezua. Izena emateko azken eguna urriaren 6a izango da.

Iaz 350 lagun

Iaz ere urrian egin zen Deba ibaia garbitzeko auzolana. Osintxun hasi eta Elorregira ate 350 lagun aritu ziren17 lantaldetan banatuta.

Lan handia egin zuten eta Erreka Garbitzeko Batzordeak oso balorazio positiboa egin zuen. Hala ere, "leku batzuetan motz" geratu zirela aurreratu dute. Hori horrela, aurten herritar gehiago batzea nahiko lukete: "Iaz asko elkartu ginen baina, hala ere, leku batzuetan motz geratu ginen... Gero eta gehiago elkartu lan gutxiago izango da, giro aberatsagoa eta hobeto ibiliko gara", esan dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.