Bergara Garbiak edukiontziak ez batzeko deiari eusten dio

Hedabideen bitartez Bergara Garbia taldeak edukiontziak ez batzeko deiari eusten dio eta ohar bidez salatu du Udal Gobernuak "bergararrak presionatzen jarraitzen" duela eta ez duela "inolako intentziorik erakutsi momentuko edukiontzien sistemak funtziona dezan". Laster ekintza berriei ekingo dietela iragarri dute oharrean.

Bergara Garbia taldeak hedabideetara bidalitako oharra:

"Bergarako Bildu-Aralar Udal Gobernuak bergararrak presionatzen jarraitzen

du, berehala inposatuko duen atez ateko bilketa sistemarekin, oraingoan

edukiontziak jaso ez dituztenei eskutitz bat bidaliz. Baina gure jarrerak berdina

izaten jarraitzen du, EZ ditugu edukiontziak batuko eta hondakinak bereizten

jarraituko dugu, ohi bezala.

Nahiz eta Bildu-Aralarrek ez duen inolako intentziorik erakutsi momentuko

edukiontzien sistemak funtziona dezan. Kalera irtetzea besterik ez dago,

edukiontziak beti gainezka, agian nahikoa izango litzateke gehiagotan

jasotzearekin edo atez ateko bilketa sistemaren inposizioari itxaron behar zaio?

Honekin zer frogatu nahi dute? Zertan dabiltzan konturatu ez garela pentsatzen

ahal dute? Berriz ere, Bildu-Aralarrekoek bergararren kontura barrezka dihardute.

Bergararren nahia defendatzeko lanean jarraituko dugu, laster izango duzue

ekintza berrien informazio gehiago.

EZ INPOSAKETARI! EZ ATEZ ATEKO BILKETA SISTEMARI!

BAI 5. EDUKIONTZIARI! BAI BIRZIKLAPENARI!"

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.