Bergarako Udalak aurreko urtean martxan jarri zuen Kafekonpon izeneko egitasmoa, Europako beste hainbat lekutan Cafe Repair bezala ezagutzen dena oinarri hartuta. Proiektuaren helburua da berrerabilpenaren filosofia zabaltzea.
Atzoko saioan dozena erdi bat pertsona gerturatu ziren eta kasu batzuetan arazoa konpontzea erraza izan arren, beste kasu batzuetan laguntza behar izan zuten erabiltzaileek. Hala ere horrelako egoerak egitasmoaren parte dira. Dena den arazoa mahai baten bueltan kafetxo baten laguntzarekin txikiagoa dela dirudi. Horrela, matxuratutako bizikletak, etxetresna txikiak... konpontzen jarraituko dute.
Parte hartu nahi dutenek, hileko bigarren martitzenean arratsaldeko 18:00etan San Joxepe elkartera gerturatzearekin nahikoa izango dute.
