Debagoieneko hirugarren Toberan, Bergara errudun

Abenduaren 28an egin zuten Debagoieneko tobera. Hirugarrena izan da oraingoa, Bagara Herrigintzak antolatuta eta, herriko auzoek salatuta, errudun jo zuten Bergara "zilborkeria eta azalkeria" leporatuta. Tobera osoa Goiena Telebistan ikusteko aukera ere egongo da egunotan: gaur, eguena 21:20ean eskainiko da, bihar, barikua, 16:40ean eta asteburuan, zapatuan gaueko 22:00etan eta domekan 23:00etan.