Aurreko osoko bilkuran Jaione Isazelaia alkateak zehaztu zuen moduan, "horrekin jendearen erosotasuna" bermatu nahi dute. Osoko bilkura berean gobernu taldeak argitu zuen ez dela osasunerako arazorik egongo eta Udalak bere gain hartuko duela lokal horiek zaintzeko ardura.
Udalak oraindik ez du eman hondakinen bilketa sistema berria indarrean jartzeko data zehatzik, baina, arduradunek aipatu dutenez, Gabon ostean martxan jarri nahi dute, urtarrilean zehar.
Erdiguneko lokalak
Era askotariko lokaletan egingo da bilketa; horregatik, egokitzapen lanak hainbat fasetan daude. Arreseko karkaba, adibidez, dagoeneko prest dago eta San Pedroko gunean eta Ikerlekuko bilketa puntuetan lan batzuk egingo dira lekua egokitzeko eta horien barruan zintzilikarioak jartzeko.
Karkaba eta lokalak erabiliko dituzten bizilagunei beren giltza emango diete haietara sartu ahal izateko. Giltzak prest daudenean, Udala bizilagunekin harremanetan jarriko da giltza jaso dezaten.
ALDE ZAHARREKO BILKETA PUNTUAK |
Arrese zeharbideko karkaba Artekaleko lokala Budiñate Arruriaga San pedro gunean (laudantz zeharbidea) UNED-eko lokalean Mizpildi 1eko lokala Bidegurutzeta Ramon maria lili Ikerleku |