Bergarako PSE-EE: “Bildu bazterrak nahasten eta herritarrak engainatzen aritu da atez atekoa inposatzeko"

Hala adierazi dute sozialistek, prentsa ohar bitartez; Bilduk Maquiaveloren "helburu onak bitartekoak ontzen ditu" esaldia jarri du praktikan, euren esanetan. Hondakinen mahaiaren apurketari dagokionez, "herritarren eta euren ordezkarien fede onarekin jolas egin" dutela uste dute, "herritarren parte-hartzeak zerbaitetarako balioko zuela sinistu araziz. Baina ikusi dutenean herritarrak konbentzitzen ez zituztela, negoziazioak apurtu eta euren sistema inposatu dute".

Sozialisten ustez, helburua "atez atekoa inposatzea" zen eta horretarako "engainatu, gezurra esan eta herriari hitza kendu diote, atez atekoaren kontra sinatu zuten 4.651 lagunei kasurik egin gabe".
 Horrekin guztiarekin, sozialistek "erabateko arbuioa" adierazi nahi diote "garai ez oso urrutietara garamatzaten egiteko modu erabat antidemokratiko eta totalitarioari".

Herri galdeketarekin bat

Era berean, bat egiten dute Bergara Garbiak azaroaren 9 eta 10erako deitu duen herri galdeketarekin eta herritarrei bertan partzeko deia luzatun diete.

Sistema berria abendutik aurrera

Abenduko lehen asteetan ezarriko dute Bergaran hondakinen bilketarako sistema berria, eta sistema honetan edukiontziak eta esekitokiak, biak, konbinatuko dira. Joan den astean ezagutarazi zituzten xehetasunak, Ingurumen zinegotziaren eskutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.