Garbia plataformak
Prentsa oharrean Sortuk dio "atez atekoaren aurkako dinamikaren buru EAJ ageri" dela Gipuzkoako herri gehienetan, "Garbia izeneko plataformen eskutik". Garbia plataformen helburua nagusiak hiru dira Sorturen ustez: • "EHBilduri egurra ematea. Oposiziotik agintera pasa dira ezkertiar abertzaleak. Eskubiaren eta handi mandien pribilejioak kolokan jartzen ari dira: lana eta aberastasuna banatuz; murrizketei aurre eginez; etxegabetzeen aurrean tinko azalduz; obra faraonikoak geldituz. Hori ezin du jasan alderdiak,ezta politika honetan babesle dituen PP eta PSEk ere.
• Errauskailua egin eta negozioarekin jarraitzea. Gipuzkoarren 500 milioi euro agindu dizkiete beraien orbitako enpresei. Gainera diru hori enpresa/banketxe horien eskuetara iritsiko dela ziurtatzeko kontratuak blindatu dituzte Swapen bidez.
• Benetako arazoak direnak hondakinen gerraren ke-lainoetan ezkutatzea. Etxeko hondakinak banatu eta birziklatzera ateratzea al da Bergararron arazorik potoloena? Edo askoz garrantzitsuagoak dira enplegu falta, etxegabetzeak, kinka larrian diren enpresak, kalitatezko osasuna eta hezkuntza,…?"
Erabakitzeko eskubidea
Sortuk gaineratzen du EAJ agintean zegoenean, "Ezker Abertzalea ilegalizatua zegoela aprobetxatuz" erabaki zutela errauskalilua egitea. "Noiz galdetu zieten Gipuzkoarrei Errauskailua nahi duten edo ez? Inoiz herri galdeketarik egin ez duen alderdiak zilegitasuna du herri galdeketak eskatzeko? Angiozarko herri galdeketa arrakastatsuari kasurik ere egin ez zion alderdia orain galdeketa eske? Zilegia al da ez birziklatzeko eskubidea, herritarren osasuna kaltetzea eta ingurumena kutsatzeko eskubidea aldarrikatzea? Akaso ez da botere publikoaren eginbeharra beraien herritarren osasuna zaintzea? Ingurumena zaintzea?". Eta ondorengoa gaineratzen dute: "Esan garbi herriari zein den zuen borondatea: 5.edukiontzia jarri eta errauskailua egin. Baina esan garbi honek zer suposatzen dion herriari termino guztietan, ekonomikoan, ingurumenean eta guztion osasunean. Guk behintzat Erraustea baino nahiago dugu Zero Zabor politikak praktikara eraman eta Antzuola bezala Europan eredugarri izatea. Gipuzkoako Foru Aldundia eta Antzuolako Udalaren hondakinen politikak eredugarritzat aurkeztu ditu Europar Batasunak Europa guztirako. Hori da gure aukera, zentzuzkoa eta garbia. Eman aukera bat, birziklapenari, osasuna eta ingurumenari", diote.