"Normala da edozein aldaketaren aurrean ezinegona eta kezkak izatea, baina ziur gaude herritarren parte-hartze sendoa lortzen bada hondakinen banaketa eta bilketa tasa garrantzitsuak lortuko direla. Atez ateko sistemak ez du organikoa banatzea baino eskatzen orain arteko sistemarekin alderatuta, beraz, oso praktikoa eta erraza da", adierazi zuten.
Murriztea, berrerabiltzea eta birziklatzea oinarri izango duen sistema "aurrerakoia" martxan jartzea nahi dute Berdegara ekimeneko kideek: "Gaika sailkatu eta %80 inguru birziklatzera iritsi daitekeen sistema. Errausketa bidergarria ez, eta ez beharrezkoa izateaz gain oso kaltegarria ere badela erakutsiko duen eredua. Errausketa baino osasungarriagoa, ekonomikoki bideragarriagoa eta ingurumenari dagokionean jasangarriagoa den ereduaren alde egiten dugu", azaldu zuten.
Hondakinen kudeaketaren inguruan Bergaran eta Gipuzkoan hartu diren zenbait neurri babestu ere egin zituzten atzo, hala nola, "erraustegiari ateak ixtea, zabortegi toxiko konbentzionalei amaiera ematea eta gaikako hondakin bilketa selektiboa egitea atez ateko sistema bidez".
Berdegara Egunean hiru gune
Ume eta gazteendako gunea (Irala kalea):
- Jarduneko begiraleak dinamizatuta: umeentzat tailerrak, izara jokoa eta txapak egingo dira. Lokotx Bilketa ere egingo dute: bost edukiontzi jarriko dira, beirarena, organikoarena, ontzi arinena, kartoiarena eta errefusarena. Hondakin guztiak lokotxak baliran nahastuta jarri eta talde bakoitzak edukiontzi bat izango du, bakoitzak berea ongi jaso eta sailkatutakoan amaituko da jolasa.
- Ipuinak: Amaia Arriaran (Oihulari Klown)eta Amaia Etxeberriak gazte zein umeentzako ipuinak kontatuko dituzte.
- Musika bitartez kale animazioa.
- Gunearen erreferentziarako pankarta handi bat: Murriztu, berrerabili, birziklatu. Aire garbiak bira nazan: erraustegirik ez dioen pankarta ipiniko da.
Artisten Gunea (San Martin plaza):
- Zenbait margolarik beraien lanak bertan aurkeztuko dituzte; Lanek ingurumena, birziklatzea eta gaiarekin lotura izango dute. Besteak beste Juanjo Altunak ( Berdegara logotipoaren egilea) bere lan bat prestatuko du. Bergara Zero Zaborrek mural propioa egingo du. Burua eta bihotza, Peru Azkaratek egina.
- Bi erakusketa jarriko dira. Zero Zabor: hondakinak ez dutelako zertan zabor izan bata eta Hondakinen arazoa eta irtenbidea bestea.
- Musika bitartez kale animazioa egingo da.
- Kale animazioa: Oihulari Klownen eskutik Larrialdia Pronostiko Erreserbatua lana aurkeztuko dute. Gunez gune, kalez kale humorea barraiatuko dute.
Eremu Nagusia (Munibe Plaza):
- Amaiera ekitaldia. Aukezpena eta kokapena, manifestuaren ildotik: Iker Azagirre eta Mireia Lizarraldek Bergara Zero Zaborren izenean auzkeztuko dute.
- Parodia bat antzeztuko da, errauskailu erraldoi bat egin eta soka tira eginez.
- Dantza bat egingo da Bergarako dantzari batzuen eskutik.
- Kontzertu txiki bat egingo da bukatzeko: Ekaitz “Ubera” eta Aitzol Gandiaga kantautoreak eta Azkaiter pelox bakarlaria.