Zero zabor filosofia ardatz hartuta eta herritarrek kalean daudela sortzen dituzten hondakinak gaika jaso eta birziklatu ahal izateko, Udalak herriko kaleetan dauden zaborrontzi txikiak ordezkatuko ditu datozen asteetan. Hori horrela, egungo zaborrontzi beltz bakarra desagertu egingo da eta lau koloretako ontziei egingo die tokia.
Hain zuen ere, ontzi urdina papera jasotzeko izango da; marroia, hondakin organikoentzako; horia, plastiko eta edukiontzientzako; eta grisa, errefusa jasotzeko.
Egungoak aprobetxatuta
Herrian 1.000 inguru puntutan dauden zaborrontziak pixkanaka kenduz joango da Udala, gero ontzi berauek berriztatu, koloreztatu eta berriz kalean jartzeko.
120na ontzi aldatuko dituzte aldi bakoitzeko. Hau da, aldi bakoitzean 120 ontzi kendu, berriztatu eta birkokatuko dituzte. Era berean, auzoen eta zonaldeen arteko oreka mantenduko da auzo guztietan egon dadin beti hondakinak botatzeko aukera. Beraz, inoiz ez dira auzo bereko ontzi guztiak batera kenduko.Aldaketa horiekin guztiz bukatzean, hondakinak sailka jasotzeko 250 bilketa gune inguru izango dira herrian. Aurrera begira, sor daitezkeen beharren arabera, bilketa guneak gehituko dira.
4 ontzi, 4 kolore
Ontzi urdina: Papera jasotzeko izango da.
Ontzi marroia: Hondakin organikoak botatzeko izango da.
Ontzi horia: Plastikoarendako eta edukiontziendako izango da.
Ontzi grisa: Ontzi urdin, marroi eta horira bota ezin den errefusa botako da horra.