Atez atekoaren gaineko informazioa emateko bilerak egingo ditu auzoka Udalak

Arritxu Barruso 2012ko ekainaren 28a

Herritarrei atez atekoa aurkezteko eta hiri hondakinen bilketa sistema horren inguruan egon daitezkeen zalantzak argitzeko hainbat bilera antolatu ditu Udalak bai hirigunean eta baita landa-auzoetan ere. Bilera horietan atez ateko sistema onartzearen arrazoiak eta sistema horren berezitasunak azaltzeaz gain, herritarrek beraien ekarpenak egin ahalko dituzte atez atekoa diseinatu eta martxan jartzen denerako.

Lau bilera uztailean

Bilerak honako orduetan eta lekuetan izango dira:

  • Uztailak 3, Martokoko eskoletan (19:00).
  • Uztailak 4, Ipintza Institutuan (19:00).
  • Uztailak 9, Zabalotegi aretoan (19:00).
  • Uztailak 10, Miguel Altuna Institutuan (19:00).          

Bi informazio bulego

Udalak jakinarazi du laster bi informazio bulego irekiko direla herrian atez atekoaren gaineko azalpenak emateko. Bulego bakoitzak bi informatzaile izango ditu eta arreta bulegoan bertan emateaz gain, herriko dendetara ere hurbilduko dira hauei behar duten informazioa eta laguntza helarazteko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak