1.800 sarrera jarri zituzten saltzeko joan zen astelehen eta martitzenean eta 472 geratzen dira. 272 salgai jarriko dituzte 16:00etako emanaldirako. Eta, beste 200, 18:30erako.
Bestalde, domekako ikuskizunerako, hau da, Zirtaka taldearen Maddi pirata antzerki emanaldirako txarteldegian 800 sarrera jarriko dituzte salgai, emanaldi egunean bertan, domekan.
Udal Musika Bandak eta Bergarako Orkestra Sinfonikoak egubakoitzean, 22:30etik aurrera, eskainiko duten Ai amatxo! ikuskizunerako sarreren salmenta bere bidetik doa. 7 eurotan eskura daitezke Kultura Etxean eta Lazkano oinetako dendan.
Azkenik, zapatu gauean Oxirondo azokan izango den Mozorro afarirako txartelak ere salgai daude txartelak salgai ondorengo tokietan: Depor tabernan, Ariznoan eta Kultur Etxean. Prezioa: 15 euro (Berogailuak egongo dira).